山頂 Fashion Walk

秋天啦，涼風颯颯。爹D媽咪一早起身同
我地三姐妹著靚衫、去太平山頂草地玩。
果條馬己仙峽道，又斜又長、九曲十三彎，
未落車已經暈晒大浪。

甜甜：一去到草地梗係鬥快跑啦，點知
「茶茶」可能暈酡酡，跑到歪歪斜斜，
係咁撞埋黎 ...

你睇：茶茶又撞埋黎啦‧‧‧！
媽咪：「唉！」

甜甜：「嘩！你有你跑啦！做咩咬我耳仔呀？ 」
布霖：「如果我咁樣咬家姐，實比佢鬧到我反肚囉 ...」

茶茶：「哈哈哈！但求跑第一，不惜出絕招！
我贏左啦！ Yes I can!」

茶茶：「咦！贏左場比賽，得番我一個 ... 係咪值得呢？」

茶茶：「喂，家姐！唔好嬲喇！過黎玩啦 ...」

茶茶：「我條裙仔係 cute D，都唔洗妒忌丫。」

布霖：「車！我條格仔裙都唔輸蝕喎。」

你地仲細，成日鬥快、鬥靚、鬥 cutie，
我冇你地咁好氣，搵處地方坐陣先 ...

呼 ... 呢處正！秋天晒太陽，全身暖洋洋 ...

媽咪：「你地唔好爭喇 ... 甜甜過黎！整啖先...」

媽咪：「布霖都乖！又錫啖先...」

媽咪：「係喇係喇... 茶茶至叻喇... 贏晒！」

三姊妹臨走影張合照啦！