↑ 三隻姨甥仔已經 5 日大啦，剛剛剪左尾，一日比一日生猛，成日黐住二妹布霖爭飲奶。
↑ 呢隻就係大仔「布恩」(兩隻手白色，體形最健壯)，你地睇下佢隻手仔幾有力，咁快就好似想企起身咁啦。
↑ 呢個就係二仔「布子」(體形較小，全身最多黑色)
我覺得佢最靚仔。
↑ 細仔「布吉」(兩塊面白色，耳朵豎起，體形最嬌小)，雖然的的骰骰，但係動作生鬼，你睇佢訓得幾搞笑！
↑ 母子含情對望 ... (其實布吉未開眼，聞到望唔到)
↑ 布霖今次真係「周身仔」囉！
↑ 食奶奶係「布恩」最享受o既時刻 ...
↑ 「布吉」訓覺都要黐住媽媽隻手 ...
↑ 「布子」即係布霖之子咁解，媽媽好錫佢 ...
↑ 布霖做左媽媽之後盡顯母性，D 仔仔行到邊，佢都睇到實，驚死走失。
↑ 始終係拉仔拉心肝呀，布霖攬住細仔「布吉」一齊訓晏覺，好舒服哦！
2 則留言:
媽媽對plumpy的說話:
plumpy,每次望著你圓碌碌的眼睛，傻痴痴的笑容，心都甜晒。
十分感激你帶來了三個小朋友到這個家庭，媽媽應承你 獎你十塊三文魚 + 十舊牛奶骨 。
甜甜姐姐:
請妳幫我同布霖姐姐講:"布霖姐姐辛苦晒妳了,看到小BB飲奶,感到好幸福呀."
我已經好耐沒有飲奶了,好懷念呀,好彩媽咪,婆婆,公公等都錫到我燶咋!
媽咪今早已經睇咗妳個blog,仲同D同事一齊分享.他們都讚BB可愛呀.
我都要時時上妳個blog睇住小BB的成長.
發佈留言