三姊妹近況 update...

我自從係08年11月開始體重暴跌，
由5.9kg跌到4.9kg，

媽咪覺得唔妥，去不停睇過好多個醫生，
抽左好多次血，照左幾次超聲波，
基本上冇一個醫生講得出係咩問題。
終於去左太平道寵物診所睇神經專科醫生 Dr. Diane Lu，

佢一睇就認為係Masticatory Myositis 或者 Poly-Myositis
(一種和免疫力紊亂有關的肌肉炎)
認為事不宜遲，即刻要食類固醇。
食左幾個禮拜，已經覆診過一次，
體重維持係5.2kg左右
體能和精神似乎緩緩好轉，
而家個口仲係擘唔得好大，
不過行路有力左D，雖然仲係少少僵硬，

尋日我自己努力爬上cushion上面，
再成功爬上梳化，爸爸睇到好開心，

仲讚我叻添！

↑ 可以唔使人地抱，自己爬上梳化啦！
    

↑ 我o既情況就慢慢穩定，不過二妹布霖就慘囉！
佢條頸皮膚生濕疹，自己抓到流晒血，
媽咪買左消毒藥水，爸爸就同佢戴左 UFO 頭罩，
一日搽兩次藥水，又痕又痛，
佢一向最憎著衫戴箍，而家要連續幾日咁戴，
嬲到冇晒心機。
   

↑ 咁都仲未止，佢咁o岩又逢menstruation，更加唔舒服，
對佢黎講，呢幾日仲慘過金融海嘯比人裁員呀！
     

↑ 唔爭在講埋茶茶o勒，佢冇事，
個樣咁「偶豆」係因為剪左個新髮型，
同埋見到我病左，二家姐又要戴UFO，
有D 忐忑不安嗟。