布子做主角

今日布子o既未來媽咪爹o地黎探佢，
二妹即刻打扮靚靚。

布子今日係主角，爸爸梗係要幫佢影輯靚相啦！

呢張眼仔精精，至o岩做Wallpaper。

按此下載 1680x1050 16:10 Hi-Res 版本1
按此下載 1680x1050 16:10 Hi-Res 版本2

BB 的酣酣午睡

背景的音樂是7月4日現場收錄的，
育嬰室裡安裝了小型喇叭，
24小時播放著柔和睡眠曲，
爸爸說音樂可以陶冶BBo既性情，
令佢地性格更加溫純可愛。

徇眾要求，展示BB的肚臍 ...
(是中間那一點，不要搞錯，下面的是菇菇哦！)，
只有小小的一粒，如果不撥開毛毛，根本不易發現。

(全靠公公在BB出世時用幼線在貼近肚子處紮緊臍帶，
否則肚臍可能會大粒一點。)

在BB 14天大的時候，要小心替他們剪指甲，
否則食奶時會抓得媽媽很痛。

布子比較文靜，給他一個玩具，他就抱著不放。

玩得累了，就索性當枕頭睡。

布子將來一定會好乖好斯文，可能會好嗲添 ...

BB 開眼啦！！！

等左十幾日，終於等到BB開眼，
第一個睇到呢個世界o既係大仔「布恩」，
佢o係第12日已經開左右眼，今日 (第13日)開晒兩隻。
睇佢眼仔精精咁望住我，幾得意！

第一眼睇到野，第一個見到o既，
梗係佢媽媽，即係二妹「布霖」啦！
跟住見到o既，就係我同埋茶茶、仲有公公添！

感激的說話

媽媽對布霖說: 「布霖，每次望著你圓碌碌的眼睛，
傻痴痴的笑容，媽媽心都甜晒。
十分感激你帶了三個小朋友來到這個家庭，
媽媽應承你，獎你10塊三文魚 + 10舊牛奶骨 。」

布霖與BB

↑ 三隻姨甥仔已經 5 日大啦，剛剛剪左尾，一日比一日生猛，
成日黐住二妹布霖爭飲奶。

↑ 呢隻就係大仔「布恩」(兩隻手白色，體形最健壯)，
你地睇下佢隻手仔幾有力，咁快就好似想企起身咁啦。

↑ 呢個就係二仔「布子」
(體形較小，全身最多黑色)
我覺得佢最靚仔。

↑ 細仔「布吉」(兩塊面白色，耳朵豎起，體形最嬌小)，
雖然的的骰骰，但係動作生鬼，你睇佢訓得幾搞笑！

↑ 母子含情對望 ... (其實布吉未開眼，聞到望唔到)

↑ 布霖今次真係「周身仔」囉！

↑ 食奶奶係「布恩」最享受o既時刻 ...

↑ 「布吉」訓覺都要黐住媽媽隻手 ...

↑ 「布子」即係布霖之子咁解，媽媽好錫佢 ...

↑ 布霖做左媽媽之後盡顯母性，
D 仔仔行到邊，佢都睇到實，驚死走失。

↑ 始終係拉仔拉心肝呀，
布霖攬住細仔「布吉」一齊訓晏覺，好舒服哦！

四日大的小布霖BB在飲奶

黑萌萌的二阿哥

媽媽：「呢隻黑萌萌o既BB，就係二阿哥啦！」

爸爸：「手抱小小生命，感動！
................如今做了公公，感嘆！」

小布霖出世啦！！！

27 June (星期六) 清晨 6:00a.m.
甜甜：「我同茶茶好夢正濃，布霖突然四圍行，
係咁喘氣，爸爸即刻帶左佢去「婦產科」...
點知布霖臨盆在即，仲掛住照鏡，話做媽媽都要夠靚喎，
真係激死爸爸。

爸爸見佢又痾又嘔，起勢咁抓地下，
知道 BB 就快黎。
於是即刻飛身出廳 set 好個育嬰室...

然後再飛番入「婦產科」坐o係地下陪住布霖，
輕輕力按摩佢個肚，同佢一齊深呼吸，
跟住叫佢 "Push! 吸氣... Push! 吸氣..."

終於等左 3 個鐘頭，小布霖大阿哥於 9:40a.m. 出世...
爸爸親手接佢黎呢個世界，仲負責用條線紮實臍帶，然後剪斷，
跟住布霖又再做深呼吸，二阿哥於 10:20a.m. 出世...

之後布霖散步左一陣，於 11:35a.m. 生呢隻三阿哥就易得多喇

小布霖一出世就係咁嗌，想飲奶，
所以媽咪抱住布霖，將小布霖逐隻擺係佢肚上面飲奶。

過左一陣，三隻小布霖已經識得爬，
雖然未開眼，睇唔到o野，
但係已經識得搵媽媽，三隻一齊食奶奶！」

布霖的大肚Dum

布霖的待產室

在冷氣房的一角，爸爸為二妹布霖準備了一個方形紙盒，
在上面舖了舒服軟熟的毛巾，
布霖最近喜歡縮在較暗的角落睡覺，
一看見這個專為她而設的「產房」，
便自動走到裏面，看到她滿足的表情嗎？

布霖懷孕最後一星期

哎也！二妹布霖個肚真係好大，仲有 7 日就係預產期啦！
爸爸媽媽幫布霖個肚剃左毛，預備左個「小產房」，
幫 BB 改定晒名，萬事俱備，靜待小布霖來臨。

布霖：「我自己唔知發生咩事傢，
淨係成日覺得好眼訓咁遮。」
爸爸：「摸落應該有 4 隻 BB... 呵呵呵... ...」

布霖：「o下！！！咁多點生呀！？」
茶茶：「見到家姐咁辛苦，希望我唔洗做媽咪啦！」

布霖正式宣佈成為媽媽

二妹布霖有左 BB 已經 5 個星期，個肚越黎越大，
而家我地成家人都好緊張，靜待幾隻小布霖出世。
布霖操身大細、大肚臨 Dum，媽咪唔比佢跳，
爸爸又唔比佢落街，仲有 3 個星期o乍，忍下啦！

呢隻型男「Pet仔」，就係布霖o既老公啦！

布霖懷孕篇

二妹布霖個肚好似一日比一日大，
最近又成日扭計，唔通真係就快做媽媽？
咁我咪就快做姨媽？

茶茶變左孖辮女...

媽咪幫茶茶紮左兩條孖辮仔，
個樣好似鄉村姑娘咁。