彭福公園，巧遇伯虎；姊妹同心，其利斷金

秋天到啦，天清氣爽，爹地媽咪又帶我地全家去彭福公園玩...

草地咁空曠，都幾大風下，所以媽咪同我著番條裙仔囉...

布霖唔鍾意著衫，不過佢比較肥，頂得順...

茶茶一去到公園，即刻盡情奔放，四圍咁跑...

跑到媽咪叫都聽唔到...

卒之比媽咪捉住，訓話 5 分鐘... 鬧到佢差 D 喊...
唉！早知如此，何必當初呢！ 我冇眼睇囉...

點知媽咪呢頭鬧完，呢頭即刻錫番，
又係果句：「拉女拉心肝！」

布霖自從做左媽咪，好耐冇去郊外玩，
你睇佢幾開心！

唯一令佢有 D 掃興o既，係附近 D 男仔個個對佢
擠眉弄眼、真正「烚熟狗頭」咁，布霖貴為三子之母，
豈能假以辭色？ 對一眾狂風浪蝶，一概好少理！

我突然發現有個「鹹鹹濕濕」o既大隻佬，向我地走過黎，
於是即刻通知布霖避開下啦...

點知布霖腳短步細走得麼，比「鹹濕伯虎」咀左一野...

可憐o既布霖，事後喊晒咁搵我主持公道...

於是我地姊妹二人，合力包抄「伯虎」，
質問佢何解唐突美人？！？
佢雖然大隻，但姊妹同心、其利斷金；
「伯虎」無言以對，只好乖乖離去。

經過這次「虎口逃生」o既經歷，布霖感受到我作為大家姐o既風範，
姊妹情更進一步...

玩左成日，布霖玩到見牙唔見眼...

茶茶個傻妹就更加開心啦...

細心o既媽咪就拿出清涼可口o既水比我地解渴...

跟住就係爸爸用新買o既相機，
同我地逐個影張個人沙龍...

後記：大大隻的「伯虎」和「擠眉弄眼」的哥基犬，
其實純良可愛；萍水相逢，打個招呼其實也屬閒事，未必為了鹹濕。
文中所用的形容詞只為劇情角色需要，並無貶意，主人們敬請原諒。